القائمة الرئيسية

الصفحات

قصة فوطوكوبي الجزء االرابع قصص بالدارجة المغربية

قصة فوطوكوبي الجزء االرابع 

قصة فوطوكوبي الجزء االرابع
قصة فوطوكوبي الجزء االرابع


#فوطوكوبي
الجزء 4
لمهم بدا داك لعام دلباك داخل من لول جامع راسي مكينا حتى شي حاجة فدار غادي تزعزعني على داكشي لي باغي ندير.. بارك فبيتي كنقاد فلكتوبا دلعام جديد وتنحيد دلي فات تا كنسمع لواليدة داويا مع جدة فلكوزينا وكيتوشوشو أنا راه عندي سمع 100/10 دبانة فلكوزينة كنسمعها لمهم طلقت عليهم لودنين كيبانو ليا داوين على زواج تخلعت أنا تزعزعت ها لعب دراري وسيد جاا دوا فيها مع دارهم تاهو كان مزوج وماتليه مراتو عندو زوج بنات صغار ديك 14/10 فلول يحسابلي واش غير ضحك بانو ليا داوين بصح قالت ليها لواليدة صبري حتى نسول يوسف وهيا تقوليا جدة مالو شليه هو شوفي نتي واش باغا ولا لا عرفتي من داك نهار مبقيتش كنحملها ماشي كيف لول.. دازت سيمانة عاد جات تشاور معايا قالت ليا شفت واحد سيد وكدا والله يعمرها دار و.. قلت ليها شوف لي بغيتي ديريها ديريها غير ديري فبالك بلي مغاديش نبقا معاكم فدار وحدة غنبقى هنا.. قالت ليا ديك صافي ملي مبغيتيش بلاش محملتهاش ترجعها ليا أنا جيت غتجي وقيتا وتقدر تقوليا كنت غادي.. ونتا مبغيتيش.. قلت ليها أنا مقلتش ليك مبغيتش سيري أختي تانا راه مبقيتش صغير.. بقيت داوي معاها شويا قالت ليا وزعما تقدر تبقا بوحدك؟ غير قالتها عرفتها غادي ديرها وبصح عيطت على جدة قالتها ليها.. دوزت لهضرة لواليد تصدم فلول قاليا عنداك تمشي معاها قلت ليه واش غنتسناك أنا حتى تقولها ليا راه هادشي قلتو ليها ديك ساعة غادي نبقى فدار هنا..
قاليا هاديك دار دياالك مكينش لي غادي يحبسك عليها ولكن غتبقى معايا تانا..بقى دااوي معايا قلت ليه صافي لي بغيتي.. فديك لعشيا كنسمع صوتو فدار كيحساب ليا غير كنتخايل طليت كيباليا واقف هو ولواليد قاليا جاي باش نمشي معاه قاليا جمع حوايجك لواليدة شافت فيا وااحد شوفة قالت ليا دبا؟ قلت ليه مزال لحال وهو يغلض صوت قاليا فلحبس ومخليتش ولدي يصرف عليه شي واحد عاد غادي نخليه دبا ملي خرجت.. ولاد ناس داوين عليا بحالا باقي كنرضع صبعي قلت ليه ماشي دبا واحد سيمانة ولا زوج يلاه نجمع حوايجي و.. قاليا سيمانة جايا بحال هاد لوقيتا غادي نجي عندك ودار خرج بحالا باغي ينتاقم بيا ولا منعرف طلعو ليا فراسي مدويتش رجعت لبيتي كنقاد فكتوبتي دخلات لواليدة قالت ليا علاش قلتيها ليه ومتمشيش لعندو و.. بقيت دااوي معاها كنبر فيها تا دخلت ليها لراسها بلي انا غادي نمشي معاه صافي..



 لمهم ديك سيمانة غير ندوز من حداها تبدا تبكي تقول غادي نموت ولا مباقيش غادي تشوفني.. كملات سيمانة جمعت حوايجي كتوبتي صونالي قاليا بلي كيتسناني لتحت قلتها لواليدة بستلها راسها ونزلت لعندو وتحركنا لدار ديالو تيدق حلات مراتو سلمات عليا ودخلنا.. كلشي تبدل تاني فاش بقيت معاهم سيدة دايراني فعينيها كي تيقولو لواليد كتر منها هو كيوصلني لليسي وهيا كترجعني معاها وسهرات ولفوني لعكز ديال بصح مرة مرة كتعيط ليا لواليدة ولا كنعيط ليها أنا مبقيتش شفتها قالت ليا لعرس قريب زعما تشوفني واش غنمشي قلتلها منقدرش عندي متحانات
 و.. أنا راه معندي ميدار غير محاملش نمشي وصافي موراها مبقيتش مسالي ديال بصح لمتحانات ولواليد معندو مااايدار عاااد باغي يمشي لتيرانات ويتبع فراقي وكيجرني معاهم.. دوزت داك لعيد معاهم داز زوين مرات لواليد طلعات فشكل وضريفا بديت كنفكر شنو غندير مورا داك لعام فرقو علينا شي كتوبا ديال توجيه أنا كنت كنقلب على شي حاجة غادي تبعدني على هاد لمشاكل ديال لواليد ولواليدة شي حاجة تبعدني عليهم جمعت شي وراق صيفطتهم لواحد لمدرسة عسكرية فمدينة أخرى غادي نغبر على دار واحد لعامين حتى نولي قاد براسي عاد نرجع.. قلتها لواليد معجباتوش فلول قاليا شوف شي حاجة أخرى باش تبقى قريب ليا, بقيت طالقها عليه كيعجبني هاد ضومين وكدا قاليا صافي لي عجبك.. مراتو طلعات كتعرف شي واحد من عائلتها كيعرف شي واحد كيعرف شي واحد يوقف معايا فهاد لقدية وخا أنا ممحتاجش ولكن لبلاد هكدا لمرة لولا لي تلاقيت مع لواليد من نهار تزوجات تلاقينا فدارنا لقديمة دوزنا نهار تما قلت ليها شنو باغي ندير لعام جاي قالت ليا الله يسهل عليك..
داكشي لي درت داك لعام واحد صيف معقلتش عليه بزربا جاوبوني لوراق لي غادي ندي معايا ولوقيتا لي نمشي عندهم مع ل5 تقول غادي نحرر غزة كنت غندير بناقص غير فكرت بلي محاملش نزيد شي عام أخر تما.. شديت طريق انا ولواليد فليل هو صراحة انا غير طلعت لطوموبيل رجعت لور ونعست حتى فيقني مد ليا قرعة ديال لما باش نغسل وجهي داكشي لي درت كليت شويا ودخلت لقيت بنادم كيتسنااا قبل مني غير فاتت ل5 وهوما يسدو لبيبان وبداو كيعيطو على بنادم لحمد لله معيطين ليا من لولين دزت كلشي مزيان رجعت أنا ولواليد لدار غنتسنا واش يعيطولي ولا لا وعيطولي مبروك وديك لهضرة ولحوايج لي غادي نديهم معايا خداهم ليا لواليد وبدات ملحمة الوداع تقول غادي نحارب.. جات لواليدة لدار تشوفني قبل منمشي كانت أول مرة تشوف مرات لواليد لمهم وصل نهار لمعلوم وصلني لواليد لباب قاليا معجبكش لحال فأي وقت جمع حوايجك وخرج عيطليا..
دخلت لتما من أول نهار سمعت واحد خونا خدام تما كيسب فواحد دري على والو أنا غادي يغلط فيا شي واحد موحااال واش نقد نصبر كيباليا بحالا فرشتها.. كل نهار كنقول هدا هو نهار لخر شي واحد غادي يسبني ولا يدور فيا غنجمع حوايجي والو وتقول بحالا معانديني تانا مكنجبدش بنادم تندخل كنشد كتوبتي مكنعمر مع حتى واحد بنادم بدا كيهرب ليهم مكيقدرش يصبر إلا انا واقيلا كان عاجبني داك لجو ديال تما لقرايا ولونطريما فاش كنمشي نطل على دار مرة مرة وفلعيد دار مبقاوش كيعرفوني وليت طول وقبح تحلو ليا لعينين مبقيتش حامل ديك لبلاصة كتسمع غا سبان ومعندك ماا دير كنتسنا غير نكمل لعاماين ديالي نشد شي فلوس من عندهم بحال لمنحة وغادي نغيرها لشي حاجة أخرى مرضوني فدماغي دبصح معمري تخايلت بلي غيجي نهار لي نكمي فيه تا دخلت لداك ضومين.. بقاتلي شي شهراين عاد نوضتها فداك نهار داخل لقيتهم كيقلبو على تيليفونات قلت صافي هانية غير يديوه, لقاوه فلمخدة ديالي داك خونا لي لقاه فيه سبان متفاهمناش مني منك بقا كيسب ليا لواليدة جمعت حوايجي حيدت ليه تيليفون وخرجت بغيتو غير يزيد كلمة مغاديش نبقا نفكر فشنو غادي يوقع غير نخلي ليه باش يتفكرني..

 دخلت لعند المسؤول لي موصيه عليا داك سيد لي دخلني.. قاليا متمشيش مبقالك والو قلت ليه مبقاتش عندي لخاطر.. بقى داوي معايا ولكن والو طلع ليا زبل فراسي, مدليا وراقيا وخرجت للمحطة رجعت لدار لقديمة ديالنا بقيت شي يوماين تما دخان ونعاس معارفش شنو غادي ندير حتى كنسمع دقان حليت لباب لقيتو لواليد عنقني قاليا عرفتك غادي تجي هنا مزيان ملي عندك سوارت عيطليا سيد وقاليا شنو وقع نتا بيخير قاصك شي واحد؟؟ داوي وكيحل فشراجم عاد شاف لڭارو مدواش معايا عليه ديك ساعة قاليا أش هاد لحالة زعما تهنيتي من داك صداع خاص تكون فرحان وناشط علاش مجيتيش لدار بعدا قلت ليه جيت لهنا باش نفكر شنو غادي ندير ونرتاح شويا مبغيتش نتقل عليكم ديك ساعة دخلات مراتو قالت ليا شكون قالك نتا متقل علينا فيناهوما حوايجك غتمشي معانا دبا.. بقاو واقفين عليا مقديتش نقول لا غادين لدار وهيا كدور فتيليفونات لبنادم قالت ليا والله ما ضيع فشي حاجة حتى فلوسك غادي تاخدهم..
سيدة عندها معارف دياال بصح مجينا نوصلو لدار تا كانت حلات لمشكل سولاتني واش باغي ترجع تكمل معاهم قلت ليها لا طلع ليا داكشي فراسي.. منبعد داكشي لي قالت هو لي كاين فلوسي خديتهم مناقصينش درهم.. تقيدت فواحد لفاك قريب لتما قلت منها نخشي لباك ديالي ونرتاح زعما داك لعام تا نعرف شنو غندير وليت غير بارك كنخمم بحال شي شيبااني مدوزهااا فحياتو..(يتبع)

تابع الجزء الخامس من قصة قصة فوطوكوبي بالضغط هنا
هل اعجبك الموضوع :

تعليقات